Ka përfunduar takimi i kryeministrit Edi Rama me drejtuesit politikë të PS në qarqe.

Mbledhja mes tyre zgjati për rreth dy orë në selinë rozë. Mësohet se në këtë takim, 12 drejtuesit politikë i kanë dorëzuar Ramës raportin e javës mbi organizimin që po bëjnë për fushatën zgjedhore, problematikat që kanë hasur në zonat e tyre, por lëvizjet e fundit.

Kryeministri Edi Rama është treguar i ashpër me drejtuesit e qarqeve, duke paralajmëruar valë shkarkimesh në radhët e drejtorëve.

“Largimi apo qëndrimi i drejtorëve në detyrë do të jetë në bazë të performancës. Kod i kuq për ata që nuk u përgjigjen qytetarëve”, mësohet të ketë thënë Rama.